ကျောင်းတွင်း activity များပြုလုပ်သည့်အခါတိုင်းမှာ ကလေးများအတွက် အကျိုးရှိစေမည့်အစီအစဉ်များကို စီစဉ်လုပ်ဆောင်ရပါသည်။ OPEN DAY မှ အစီအစဉ်များသည် မိဘ/ကျောင်းသားများအတွက် တန်ဖိုး မဖြတ်နိုင်သည့် အမှတ်တရများရရှိစေရန်၊ ကလေးများ၏ ကိုယ်ရည်ကိုယ်သွေးမြင်မားလာစေရန်၊ ကလေးများ ၏ ထူးခြားတဲ့ ဉာဏ်ရည်ဉာဏ်သွေးကို သိရှိဖော်ထုတ်စေနိုင်ရန်၊ သင်ရိုးသစ်၏ ဦးတည်ချက်များကို အပြည့်အဝရရှိစေရန်၊ ကိုယ့်ဝန်ကိုယ်ထမ်းနိုင်စေရန်၊
မြန်မာ့ရိုးရာ မဟာဘုံကထိန်တော်ကို နှစ်စဉ် မြန်မာနှစ် တန်ဆောင်မုန်းလဆန်း(၁)ရက်နေ့မှ တန်ဆောင်မုန်း လပြည့်နေ့အတွင်း ကျင်းပပါသည်။ ကျောင်းသား/သူများနှင့် ဆရာ/မများ စုပေါင်းလှူဒါန်းကြသည့် လှူဖွယ်ဝတ္ထုအစုစုကို အလှည့်ကျရာ ဘုန်းတော်ကြီးကျောင်းသို့ ရေစက်ချ လှူဒါန်းကြပါသည်။ ကျောင်းတွင် ကထိန်ပွဲအခမ်းအနားအဖြစ် ကျောင်းသား/သူများနှင့် ဆရာ/မများ ကိုယ်တိုင် ချက်လုပ်ထားသော မြန်မာမုန့်မျိုးစုံ ဖြင့် ဧည့်ခံကျွေးမွေးပါသည်။
ပညာသင်နှစ် တစ်နှစ်တာအတွင်း ဘာသာရပ်အလိုက် ထူးချွန်ခဲ့ကြသည့် ကျောင်းသား/သူများအား ဂုဏ်ပြုပေးသည့် အခမ်းအနားကို ဩဂုတ်လ နောက်ဆုံးအပတ်တွင် နှစ်စဉ်ကျင်းပပါသည်။ ထို့သို့ ထူးချွန်ကျောင်းသား/သူများကို ဂုဏ်ပြုပေးရခြင်းမှာ ကျောင်းသား/သူများ ပညာကို ဆက်လက် ကြိုးစား သင်ယူလိုစိတ် ဖြစ်ပေါ်စေရန်နှင့် အခြားကျောင်းသား/သူများ အနေဖြင့်လည်း အားကျ ဂုဏ်ယူလိုစိတ်များ ဖြစ်ပေါ်စေရန် ရည်ရွယ်ပါသည်။
ကျောင်းသင်ခန်းစာများတွင် သင်ကြားပေးခြင်းမရှိသော သင်ခန်းစာများကို ကျောင်းပြင်ပချိန်များတွင် သင်ကြားပေးခြင်းဖြင့် ကလေးများ၏ ကိုယ်ရည်ကိုယ်သွေးနှင့် အတွေ့အကြုံဗဟုသုတများ ရရှိစေပါသည်။ ထို့ကြောင့် UNITY ကျောင်းများ အားလုံးတွင် ကင်းထောက်သင်တန်း၊ ကြက်ခြေနီသင်တန်းတို့ကို နှစ်စဉ်ပို့ချ ပေးလျှက်ရှိပါသည်။
ပညာသင်နှစ်တစ်နှစ်၏ ဇူလိုင်လ ဒုတိယပတ်တွင် အာဇာနည်နေ့အကြို ပန်းချီ၊ ကာတွန်း၊ နံရံကပ်စာစောင်၊ ကဗျာပြိုင်ပွဲများ ကျင်းပပြုလုပ်ပေးပါသည်။ ဇူလိုင်(၁၉)ရက် အာဇာနည်နေ့တွင် ကျဆုံးလေပြီးသော ဗိုလ်ချုပ်အောင်ဆန်းနှင့်တကွ အာဇာနည်ခေါင်းဆောင်ကြီးများအား အောက်မေ့လွမ်းဆွတ်ခြင်း အခမ်းအနားကို ကျင်းပပါသည်။ ကျောင်းသား/သူများ၏ စိတ်တွင် အာဇာနည်ကြီးများအား ဂုဏ်ပြုလိုစိတ်၊ ကျေးဇူးတရားအား အောက်မေ့လိုစိတ်များ ဖြစ်ပေါ်လာစေရန် ရည်ရွယ်ပါသည်။
UNITY ကိုယ်ပိုင်အထက်တန်းကျောင်း(မန္တလေး/ကျောက်ဆည်/မြင်းခြံ)တို့တွင် ပညာသင်နှစ်တစ်နှစ်၏ ဇူလိုင်လ ပထမပတ်တွင် ကျောင်းကောင်စီအမှု့ဆောင်ရွေးချယ်ခန့်အပ်ခြင်းနှင့် ကတိသစ္စာခံယူခြင်းအခမ်းအနားကို နှစ်စဉ်ကျင်းပပါသည်။